leu buku disusun dumasar kana Kurikulum 2013 Revisi 2017, tur leuwih museur kana tujuan dasar sangkan barudak parigel maca, nulis, jeung ngaregepkeun basa Sunda. Lian ti kamaheran ngagunakeun basa Sunda, ieu buku ngamuat pangaweruh sastra, budaya, katut paelmuan nu leuwih jembar. Bakti Guru Rancage Diajar Basa Sunda, geus narekahan sangkan ungkara basa Sunda dina ieu buku teh teu hese teuing, boh keur guru, boh keur siswa. Eta tarekah teh, dina prak-prakanana ngawengku: 1. Kekecapan diluyukeun jeung kalumbrahan katut psikologi barudak. Lumbrah hartina gampang kaharti, tilikan psikologi hartina diluyukeun jeung umur katut tingkatan kelas. 2. Eusi atawa carita satekah polah bakal pikaresepeun nu macana, dipiharep jadi eunteung jeung picontoeun barudak. 3. Ti pangajaran ka pangajaran, aya perkara nu nganteng sangkan eusi buku teh karasa gumulung sanajan pedaranana beda-beda. 4. Nyingkahan kalimah sumeler nu matak bingung nu maca sarta diganti ku kalimah nu leuwih basajan. 5. Gambar nu ngeuyeuban ilustrasi ieu buku nohonan orisinalitas, lain beunang ngundeur tina Internet.