“Sa librong ito, natitipon ang mga tula mula sa mga nauna na niyang libro, ang BIYAHE, 1996, na katipunan ng mga obrang nasulat para sa kanyang pagtatapos mula sa Philippine High School for the Arts; ang PAG-AARAL SA ORAS, (High Chair, 2017); at ang LUISITA, 2021. Mahalagang ambag sa dalawang larangan ang koleksiyon ng mga tula ni Kerima. Una, dahil siya ang isa sa una, o marahil ay kauna-unahan pa nga, na mandirigmang bayan na may solong koleksiyon na nasusulat sa wikang Filipino; at ikalawa, bilang isa sa wala pa yatang sampu na makatang babae, aktibista man o hindi, na nakapaglabas ng koleksiyon sa wikang Filipino.” - Joi Barrios